Kreu i PDK-së, Memli Krasniqi ka pritur në takim ambasadorin e Italisë në Kosovë, Antonello De Riu.
Krasniqi ka njoftuar se kanë diskutuar për zgjedhjet e 9 shkurtit dhe rëndësinë e institucioneve të qëndrueshme për të ardhmen e vendit.
“Pavarësisht pozicioneve politike, të gjitha partitë duhet të mbeten të përkushtuara për një Kosovë më të mirë dhe më të zhvilluar. Mirënjohës për miqësinë dhe mbështetjen e Italisë ndaj Kosovës”, ka shkruar ai në Facebook. /Kosovatimes/
