Pasditen e sotme në Mulhouse të Francës, pranë një tregu të mbuluar, ka ndodhur një sulm me thikë ku mbeti i vrarë një person dhe disa të tjerë u plagosën. Sipas informacioneve të publikuara nga BFM Alsace, sulmuesi bërtiti “Allahu Akbar” përpara se të arrestohej.
Nga sulmi mbeti i vrarë një portugez 69-vjeçar, ndërsa në mesin e të plagosurve ishin pjesëtarë të policisë së qytetit. Prokuroria Kombëtare Kundër Terrorizmit konfirmoi se në mesin e viktimave ishte edhe një civil që tentoi të ndërhynte, ndërsa tre policë u plagosën, raporton Index .
Presidenti Emmanuel Macron iu drejtua publikut nga Parisi, duke shprehur “solidaritetin e kombit” me familjet e viktimave. Ai e quajti sulmin një “akt terrorist islamik” dhe tha se autoritetet do të marrin të gjitha masat e nevojshme për t’iu përgjigjur këtij krimi.Kryeministri Francois Bairou tha se “fanatizmi ka goditur përsëri” dhe se Franca është në zi. Prokuroria Kombëtare Kundër Terrorizmit ka nisur hetimet për vrasje të lidhura me veprimtari terroriste dhe tentativë për vrasje të zyrtarëve. Sulmuesi aktualisht ndodhet në paraburgim nga policia.
