Presidenti ukrainas, Volodymyr Zelensky ka falënderuar qeverinë dhe popullin shqiptar për mbështetjen ndaj Ukrainës.
Zelensky, përmes një postimi në platformën X, foli në për biseda që kishte me kryeministrin e Shqipërisë, Edi Rama dhe projekte të përbashkëta.
“Pata një bisedë të mirë me kryeministrin e Shqipërisë, Edi Rama, dhe falënderova qeverinë dhe popullin shqiptar për mbështetjen e dhënë ndaj Ukrainës dhe popullit tonë. Diskutuam shumë tema të spikatura – projekte të përbashkëta dhe perspektiva më të gjera”.
Zelensky sqaroi edhe për bisedimet edhe për iniciativat diplomatike evropiane.
“Është thelbësore që Evropa të jetë në tryezën e bisedimeve. Gjithçka për Evropën duhet të jetë me pjesëmarrjen e Evropës dhe gjithçka për Ukrainën duhet të jetë me pjesëmarrjen e Ukrainës”, ka shkruar Zelensky në X.
Ai tha se një vizion i përbashkët dhe hapa të koordinuar janë thelbësore për arritjen e një paqeje të drejtë dhe të qëndrueshme.
“Ne po punojmë së bashku për të forcuar sigurinë në të gjithë Evropën. Faleminderit për mbështetjen tuaj”, ka shtuar tutje Zelensky. /Kosovatimes/
I had a good conversation with the Prime Minister of Albania, @ediramaal, and thanked the Albanian government and the people for their support of Ukraine and our people.
We discussed many salient topics— joint projects and broader prospects.
We also talked about European…
— Volodymyr Zelenskyy / Володимир Зеленський (@ZelenskyyUa) February 22, 2025
