Me publikimin e rezultateve të para të zgjedhjeve të përgjithshme në Gjermani, duket se kancelar i ardhshëm i vendit do të jetë Friedrich Merz, politikan veteran me qëndrime konservative.
Ish-bankieri, Frierdrich Merz, i cili kurrë nuk ka mbajtur post publik, dukët se do të bëhet kancelari i ardhshëm i Gjermanisë.
I lindur në vitin 1955, Merz vie nga një linjë e gjatë e individëve me prapavijë politike. Vet Merz ka pasur ngritje të shpejtë në radhët e CDU-s, duke arritur edhe të bëhet deputet në Bundestag dhe njëri prej ekspertëve më të mëdhenj ekonomik brenda partisë, para se, përkohësisht, të largohej nga politika dhe CDU, në vitin 2009, për shkak të kundërshtimeve të mëdha me udhëheqësen e partisë dhe kancelarën e asaj kohe, Angela Merkel.
Pas largimit të Merkel, Merz, vendosi të rikthehet në politik duke iu ri-bashkuar partisë 9 viet më vonë, në vitin 2018 . Ndërsa 4 vite më vonë, 2022-ën ai arriti të bëhet kreu i demokristianëve. Në rast të arritjes së marrëveshjes për koalicion qeveritar, Merz do të merr mbi vete udhëheqjen e vendit në një kohë të tensioneve të mëdha në skenën ndërkombëtare dhe telasheve ekonomike dhe shoqërore në vend.
Pritët që ai do të ashpërson qëndrimin e Gjermanisë ndaj Rusisë, që nga fillimi i invazionit rus. Merz ka kërkuar më shumë ndihma gjermane për Kievin duke premtuar se në rast që ai bëhet Kancelar, Gjermania do të rris përkrahjen, duke i dhënë Ukrainës edhe armatim me rreze të gjatë veprimi dhe ka përkrahur largimin e kufizimeve të përdorimit të armatimit perëndimor brenda Rusisë.
Shumë përkrahës të tij besojnë edhe se përvoja e Merz në sektorin privat, ku njihej si biznesmen efikas, do të mund të jetë përparësi në marrëdhëniet me presidentin amerikan Doonlad Trump, duke marrë parasysh tensionet momentale mes Uashingtonit dhe Evropës.
Njëkohësisht, sa i përket ekonomisë, shumë ekspertë kanë thënë se besojnë që Merz do të anulon rregullin e vendosur gjatë Merkelit, i cili kufizon sasinë e huave vjetore që mund t’i merr qeveria federale, duke i dhënë kështu një shtytje më se të nevojshme kompanive gjermane.
Pritet që Merz, i cili ka qenë kritik ndaj politikës së “Derës së hapur” të kancelarës Merkel do të tenton të ashpërson ligjet e imigrimit, si dhe të rris kontrollet parandaluese për imigrantët ilegal, çështje të cilat janë bërë të rëndësishme për opinionin Gjerman.
