Takime të shumta, njohje por edhe emocione midis gazetarëve, nga gjithë hapësira u mbajtën përgjatë tre ditëve në eventin “Dita e Miqësisë së gazetarëve”. Takimi i cili për të 14 vit mbahet nën organizimin e UGSH-Dega Elbasan me mbështetjen e Shoqatës Ress Egnatia, të kryesuar nga Xhim Vila, ka filluar në Shkup, për të vijuar në qytetin e Preshevës dhe në Pejë. Një event që synon të forcojë marrëdhëniet mes gazetarëve, duke u dhënë atyre jo vetëm mbështetje dhe inkurajim, por edhe stimuj shtesë për arritje të reja.
Ky organizim nuk shënon vetëm një festë profesionale por edhe demonstronë unitetin e tyre karshi sfidave të ndryshme. Kështu në sallën ONIX të Shkupit, e cila tuboi mbi 100 gazetarë nga rajoni, pas je dokumentari rreth aktivitetieve te UGSh- deges se Elbasant u mbajt tryeza rreth “Dezinformimi – një rrezik në shtim për vendet e Ballkanit Perëndimor”, ku poashtu u fol për sfidat që përballen institucionet shtetërore përballë dezinformimit.
Kreu i UGSh Aleksandër Cipa në fjalimin hyrës u përqëndrua tek zhvillimi i mediave në rrethanat e reja. “Sot ka një qasje të diskutimit a është gazetaria përsëri një zanat apo është një profesion. Shumë prej përfaqësuesve të komunitetit tonë në botë e patën të përcakuar qëndrimin po e duam ta ushtrojmë si profesion. Zanat mund të bëhet por me një kusht tjetër që nuk e ka përgjegjësinë sikurse e ka profesionisti. Ne duam të mbetemi tek ky komunitet profesionist. Tek ai që kryen detyrën për të marrë të vërtetat e qytetarëve, botës dhe shoqërisë dhe jo të shitur si një të vërtet të veten por një të vërtet të besueshme”, tha ai.
Ndërsa Zëvendëskryeministri Izet Mexhiti tha se pavarësisht përparimeve, përballja me këto sfida mbetet një detyrë që kërkon bashkëpunim të ngushtë mes gazetarëve, institucioneve dhe qytetareve. “Përpjekja jonë për të luftuar dezinformimin duhet të jetë permanente. Në të njëjtën kohë, ajo duhet qenë e ndërtuar me shumë kujdes që të mos kthehet nga rregullimi në kontroll, nga liria në censurë! Për ta bërë këtë, neve së pari na nevojitet forcimi i gazetarisë profesionale dhe lirisë meditative, në mënyrë që informacioni të jetë i verifikuar dhe prej këtu të jetë i besueshëm. Ne na nevojiten korniza të qarta dhe të harmonizuara edhe me legjislacionin evropian për të rregulluar platformat digjitale – mediumin i cili është tepër poroz dhe pothuajse aspak imun kur vjen fjala te publikimi dhe përhapja masive e dezinformatave”, tha ai.
Më pas gazetarët bënë një guid turistike në qytet ku vizituan edhe shtëpinë e Shenjtores Nënë Tereza.
Ky event perveq urave të miqësis midis gazetarëve shënoi raste takimesh emocionale. Pas shume vitesh u takuan gazetari nga Maqedonia Naser Pajaziti dhr Saimir Mytari.
Qyteti i Pejës ishte ai që do të përmbyllte të gjithë aktivitetin. Gazetaret u njoftuan mbi historinë, kulturën dhe trashëgiminë e këtij qyteti njëherësh komunë në Rajonin Dugagjinit.Një vizitë intersante nga gazetarët e UGSH ishte dhe ajo në Manastirin e qytetit ku u njohën me mjedisin dhe historikun e tij. Në buzmbrëmje, pas një dreke pune me gatime të shijshme tradicionale . Ky event tashme tradicional synon të forcojë marrëdhëniet mes gazetarëve, duke u dhënë atyre jo vetëm mbështetje dhe inkurajim, por edhe stimuj shtesë për arritje të reja.
Një organizim në të cilën gazetarët ndajnë përvojat dhe momentet e bukura gjatë rrugëtimit të tyre profesional. Pas ketij takimit tre ditor gazetaret ndahen te perqafuar dukepergezuar organizatorin UGSh-DegaElbasan dhe Shoqaten kulturore Reis Egnatia e cila pa rezerve po mbeshtet kete event. Kosovatimes.info
