Vatikani ka njoftuar se “Papa ka fjetur mirë dhe po pushon”. Kurse gjendja shëndetësore e Françeskut, “mbetet kritike”, por pa asnjë krizë të re në frymëmarrje, me një insufiçiencë renale fillestare dhe të lehtë.
Papa Françesku është shtruar në spitalin Gemelli të Romës më 14 shkurt, pasi pati vështirësi në frymëmarrje për disa ditë, ku u trajtua fillimisht për bronkit përpara se të diagnostikohej me pneumoni në të dy mushkëritë.
Të shtunën, Vatikani ka bërë të ditur se Papa kishte përjetuar një krizë të frymëmarrjes dhe ishte në një gjendje “kritike”, por më vonë të dielën ka lëshuar një njoftim se ai “nuk kishte paraqitur ndonjë krizë të mëtejshme të frymëmarrjes”.
