Është varrosur në varrezat e qytetit në Shipol të Mitrovicës, Bajram Qerkini që ishte kryetari i shoqatës “Zëri i Prindërve”.
Qerkini, vdiq pas një sëmundje që e mbajti shtrirë që disa muaj. Kështu është bërë me dije nga familja e tij.
Për rreth 25 vite, Qerkini, është përpjekur për të ditur fatin e djalit të tij, dhe të personave të tjerë të pagjetur nga lufta në Kosovë.
Liderët shtetëror e politik në ngushëllimet e tyre për familjen e Bajram Qerkinit, e quajtën atë simbol të qëndresës, drejtësisë dhe përkushtimit të palëkundur për ta zbardhur fatin e të zhdukurve me dhunë gjatë luftës.
Thanë se ai përgjatë 25 vitesh i dha zë dhimbjes së mijëra familjeve të personave të zhdukur me dhunë nga forcat serbe gjatë luftës së fundit në Kosovë, duke e shndërruar dhimbjen e tij personale në kauzë të përbashkët.
