Presidenti i SHBA-së, Donald Trump, i cili po pret kryeministrin irlandez në Shtëpinë e Bardhë, ka shfrytëzuar rastin për të komentuar çështje kyçe ndërkombëtare para mediave botërore.
Ai tha se Shtetet e Bashkuara morën “disa mesazhe pozitive” pas bisedimeve të djeshme për armëpushimin me Ukrainën në Arabinë Saudite.
“Shpresoj se mund të arrijmë një armëpushim”, u tha Trump gazetarëve, duke shtuar se “të gjitha i takon Rusisë tani”.
“Njerëzit tanë janë në rrugën e tyre për në Rusi tani,” tha ai.
“Ne mund të bëjmë presion mbi Rusinë. Shpresoj se nuk do të jetë e nevojshme, por ne mund t’ia bëjmë Rusisë,” tha Trump në Shtëpinë e Bardhë. “Unë mund të bëj disa gjëra shumë të këqija financiarisht për Rusinë, ato do të ishin shumë shkatërruese për Rusinë. Por unë nuk dua ta bëj këtë sepse dua paqe,” tha ai.
