Orizi spanjoll përfshin gatimin e orizit me kokrra të gjata në lëng pule dhe salsa, një salcë meksikane e pasur me bazë domatesh që i jep atij një thellësi shtesë shije dhe ngjyrë të parezistueshme
Orizi spanjoll është një mënyrë tradicionale e përgatitjes së orizit në pjesën veriore të Meksikës. Besohet se gjella mori emrin e saj sepse eksploruesit spanjollë sollën oriz në Meksikë nga Azia dhe u treguan atyre se si ta përgatisnin.
Orizi spanjoll përfshin gatimin e orizit me kokrra të gjata në lëng pule dhe salsa -nje salce meksikane e pasur me baze domatesh , e cila i jep atij një thellësi shtesë shije dhe ngjyrë të parezistueshme. Prandaj disa e quajnë arroz rojo ose oriz i kuq.
Ky oriz është aq i shijshëm sa mund të hahet edhe vetë. Meksikanët më së shpeshti e shërbejnë si pjatë anësore për pjatat e tjera – me mish të pjekur (carne asada), mish të grirë (picadillo) dhe e vendosur ne tacos .
Ju sjellim recetën më të lehtë për orizin spanjoll, i cili përgatitet me vetëm pesë përbërës.
Oriz spanjoll – përbërësit:
- 500 ml lëng pule
- 350 g oriz me kokërr të gjatë
- 250 g salsa
- 1 qepë
- vaj vegjetal sipas dëshirës
Oriz spanjoll – përgatitja:
- Ngrohim pak vaj në një tigan dhe kaurdisim qepën e grirë hollë. Kaurdisni qepën për rreth pesë minuta derisa të zbutet.
- Shtoni orizin dhe skuqeni në tiganin me qepën për rreth dy minuta. Më pas e derdhni me lëng pule dhe salcë. Kur lëngu të vlojë, zvogëloni zjarrin, mbuloni tenxheren dhe gatuajeni orizin për rreth 20 minuta ose derisa të jetë gatuar plotësisht.
- Shërbejeni orizin e gatuar me barishte të zgjedhjes suaj – më e mira do të ishin gjethet e freskëta të korianderit. Shijojeni vaktin tuaj!
