Letra liston gjithsej 41 vende, të ndara në tre grupe të veçanta. Grupi i parë prej dhjetë vendeve, përfshirë Afganistanin, Iranin, Sirinë, Kubën dhe Korenë e Veriut ndër të tjera, do të vendoset për një pezullim të plotë të vizave.
Në grupin e dytë, pesë vende, Eritrea, Haiti, Laosi, Mianmari dhe Sudani i Jugut, do të kishin pezullime të pjesshme që do të preknin vizat turistike dhe studentore, si dhe vizat e tjera emigruese, me disa përjashtime.
Në grupin e tretë, gjithsej 26 vende, përfshirë Bjellorusinë, Pakistanin dhe Turkmenistanin, do të konsiderohen për një pezullim të pjesshëm të lëshimit të vizave amerikane nëse qeveritë e tyre “nuk bëjnë përpjekje për të adresuar mangësitë brenda 60 ditëve”, thuhet në memorandum.
Këto janë vendet për të cilat Trump synon të pezullojë plotësisht vizat:
- Afganistani
- Kuba
- Irani
- Libinë
- Koreja e Veriut
- Somali
- Sudani
- Siria
- Venezuela
- Jemeni
Një zyrtar i lartë amerikan, duke folur në mënyrë anonime, theksoi se lista nuk është përfundimtare dhe mbetet subjekt i miratimit nga administrata, duke përfshirë Sekretarin e Shtetit të SHBA, Marco Rubio.
Më 20 janar të këtij viti, Trump lëshoi një urdhër ekzekutiv që kërkon kontroll të shtuar të sigurisë për të gjithë të huajt që kërkojnë të hyjnë në SHBA për të zbuluar kërcënimet ndaj sigurisë kombëtare, duke vendosur një afat deri më 21 mars për të paraqitur një listë të vendeve nga të cilat udhëtimet duhet të pezullohen pjesërisht ose plotësisht, sepse “informacioni i tyre i kontrollit dhe verifikimit është kaq i mangët”.
Direktiva e Trump është pjesë e goditjes së imigracionit që ai filloi në fillim të mandatit të tij të dytë.
