Muzikanti Andrej Gjorgjievski nga grupi DNK, i cili po performonte në një diskotekë në Koçan, Maqedonia e Veriut, u zhduk pas një zjarri.Nëna e tij vizitoi të gjitha spitalet në Shkup. Pasi nuk arriti ta gjente, ajo u kthye e dëshpëruar në shtëpi dhe po pret informacione për djalin e saj, transmeton news24.live.com . Lajmi është konfirmuar nga një familjar.
Mediat maqedonase më herët kishin raportuar se Andrej ishte në spitalin e Shtipit dhe ishte mirë, por kjo doli të jetë e gabuar.
Kolegu i Andrej, Vladimir Blažev Panço, ka pësuar djegie dhe aktualisht është në respirator.
Numri i viktimave të zjarrit ka shkuar në 59. Ministria e Punëve të Brendshme (MPB) e Maqedonisë së Veriut bën të ditur se janë identifikuar 39 viktima.
155 persona u plagosën dhe po trajtohen në disa spitale në të gjithë vendin. Është konfirmuar se për katër persona janë lëshuar urdhër-arreste.
