Në seancën e nesërme, Qeveria e Serbisë, me propozim të presidentit Aleksandër Vuçiq, do të shpallë të martën, më 18 mars 2025, ditë zie në Serbi për shkak të zjarrit në Maqedoninë e Veriut në të cilin humbën jetën të paktën 51 persona dhe mbi 100 u plagosën.
“(Kryeministri) Millosh Vuçeviq dhe presidenti (i Serbisë) Aleksandar Vuçiq diskutuan mëngjesin e sotëm për tragjedinë në Koçan të Maqedonisë së Veriut, ku një numër i madh i qytetarëve humbën jetën nga zjarri në një diskotekë, pas së cilës u vendos që 18 marsi në Serbi të jetë ditë zie”, thuhet në njoftimin e Qeverisë së Serbisë.
Të paktën 51 persona kanë humbur jetën në një diskotekë në Koçan nga zjarri që shpërtheu gjatë një koncerti të një bande të njohur.
Pjesa më e madhe e të lënduarve nga zjarri në një diskotekë në Koçan që ka ndodhur mbrëmë janë transferuar në Spitalin e Përgjithshëm në Koçan, ku po vazhdojnë të marrin ndihmë mjekësore.
