Presidenti KINez Xi Jinping ka refuzuar një ftesë për të ardhur në Bruksel për një samit që shënon 50 vjetorin e lidhjeve diplomatike BE-Kinë, raportoi sot Financial Times.
Pekini u ka thënë zyrtarëve të BE-së se kryeministri Li Qiang do të takohet me presidentët e Këshillit dhe Komisionit Evropian në vend të Xi, tha FT, duke cituar dy persona të paidentifikuar të njohur me këtë çështje.
Kryeministri kinez zakonisht merr pjesë në samitet kur ato mbahen në Bruksel, ndërsa presidenti i pret në Pekin, por BE-ja dëshiron që Xi të marrë pjesë për të shënuar gjysmë shekullin e marrëdhënieve midis Pekinit dhe Bashkimit, tha gazeta.
Teksti vazhdon poshtë reklamës
Bashkimi Evropian nuk ka koment
Tensionet midis Brukselit dhe Pekinit janë rritur që nga pushtimi rus i Ukrainës në vitin 2022, me BE-në që akuzon Kinën për mbështetjen e Kremlinit, shkruan FT. Vitin e kaluar, Bashkimi Evropian vendosi tarifa për importet e automjeteve elektrike kineze.
“Bisedimet jozyrtare janë duke u zhvilluar, si për caktimin e një date për samitin BE-Kinë këtë vit dhe për nivelin e përfaqësimit”, tha një zyrtar i BE-së për gazetën, ndërsa ministria kineze u përgjigj se nuk mund të thoshte asgjë për këtë.
Bashkimi Evropian nuk iu përgjigj menjëherë kërkesës së Reuters për koment.
