Aeroporti Heathrow në Londër ka thënë se do të jetë i mbyllur deri në mesnatën e sotme pas një ndërprerjeje të energjisë elektrike të shkaktuar nga një zjarr në një nënstacion elektrik aty pranë që furnizon aeroportin.
“Për të ruajtur sigurinë e pasagjerëve dhe kolegëve tanë, Heathrow do të jetë i mbyllur deri në orën 23:59 më 21 mars”, njoftoi Aeroporti Heathrow në Platformën X, duke shtuar se pasagjerët këshillohen të mos vijnë në aeroport.
Sipas të dhënave nga OAG, Heathrow ishte aeroporti i dytë ndërkombëtar më i ngarkuar në botë vitin e kaluar, pas Dubait.
