Në Prishtinë u mbajt samiti ndërkombëtar `Shtigjet Rotariane – për Ndërmarrësi, Lidership në Biznes dhe Përsosmërinë Profesionale`, të organizuar nga distrikti Rotarian Shqipëri-Kosovë.
Në këtë samit po marrin pjesë rotarianë nga dhjetë shtete të ndryshme.
Pjesë e samitit ishte edhe Presidentja e Rotary International, Stephanie Urchick, e cila u shpreh e lumtur që është në Kosovë, duke vlerësuar shumë rolin e distriktit Shqipëri-Kosovë për t’u shërbyer qytetarëve. Urchik e vlerësoi lartë organizimin e këtij samiti.
Ka disa fusha veprimi, njëra prej të cilave është edhe mësimi i aftësive profesionale, prandaj ky samit e nxit një gjë të tillë. Në anën tjetër, ne në Rotary e fuqizojmë shumë kompetencën e zhvillimit në udhëheqje, ndaj me këtë samit po kthehemi te rrënjët e Rotary International dhe për mua është një kënaqësi e madhe që jam e pranishme në këtë samit,” tha Presidentja Stephanie Urchick.
Butrit Batalli, Guvernator i distriktit Shqipëri, pasi vlerësoi lartë organizimin e këtij samiti që bashkoi rotarianët, theksoi se qëllimi ynë është t’u shërbejmë komunitetit në nevojë dhe se mund t’ju them me përgjegjësi të plotë se deri më tani ne si distrikt kemi investuar rreth 2 milionë euro në komunitet, si në shëndetësi, arsimi, kulturë, ekonomi etj.
Ai gjithashtu theksoi se ky është një fokus i rëndësishëm edhe për Rotary, dhe se qëllimi i këtij samiti, pa dyshim, është sjellja e rotarianëve nga më shumë se 10 vende të botës në Kosovë, sipërmarrës të shquar, të cilët kanë ardhur të ndajnë përvojat e tyre dhe të krijojnë mundësi për fillimin e një forme partneriteti mes rotarianëve.
