Ish-presidenti i Kosovës, Hashim Thaçi, i cili qëndroi për dy ditë vizitë në Kosovë është nisur për në Hagë.
Thaçi është nisur për në Aeroportin Ndërkombëtar të Prishtinës “Adem Jashari”, ku do ta ketë fluturimin në orën 13:00.
Gjatë vizitës në Kosovë, sot përveç tre vëllezërve të tij, me Thaçin është takuar gruaja e tij, Lumnija.
Gjykata Speciale lejoi vizitën e Thaçit pesë ditë pas vdekjes së babait të tij. Thaçi arriti të premten në Kosovë, ku edhe vizitoi varrin e babait të tij dhe kishte vendosur një kurorë me lule, ku shkroi se së shepjti dorë më dorë do t’i falenderojë të gjithë qytetarët që shkuan para tij te varri.
