Policia e Kosovës njofton një patrullë policore e stacionit policor në Kaçanik ka ndaluar një veturë të tipit VW Golf me targa vendore, ku gjatë kontrollimit të veturë kanë gjetur tre qese najloni me lëndë narkotike të llojit marihuanë.

 

Në një njoftim nëpërmjet rrjetit social ‘Facebook’, Policia e Kosovës bën të ditur se ngjarja ka ndodhur me datën 22.03.2025, rreth orës 17:00 në rrugën “Doganaj” në Kaçanik.

“Me datën 22.03.2025, rreth orës 17:00 në rrugën “Doganaj” në Kaçanik, një patrullë policore e stacionit policor në Kaçanik ka ndaluar një veturë të tipit VW Golf me targa vendore. Gjatë kontrollimit të dokumentacionit të shoferit dhe veturës, nën ulëset e pasme kanë gjetur tre qese najloni që përmbanin disa paketime të vogla me lëndë narkotike të llojit marihuanë, me një peshë totale prej 53.02 gramësh”, thuhet në njoftim.

Lidhur me rastin, janë njoftuar hetuesit nga Drejtoria për Hetimin e Trafikimit me Narkotikë, të cilët kanë dalë në vendin e ngjarjes për të vazhduar hetimet.

I dyshuari, një mashkull kosovar 19-vjeçar, është arrestuar dhe ndaluar për 48 orë, për procedura të mëtejshme hetimore.