Presidenti serb Aleksandar Vuçiç u takua sot në Beograd me Maxim Oreshkin, zëvendës shef i kabinetit të presidentit rus Vladimir Putin dhe takimi konfirmoi përkushtimin për forcimin e marrëdhënieve midis dy vendeve.
“Një takim i mirë me Maksim Oreshkin, në të cilin u konfirmua edhe një herë përkushtimi për forcimin e marrëdhënieve ndërmjet Serbisë dhe Rusisë në të gjitha fushat”, tha Vuçiq në Instagram.
Ai shtoi se gjatë takimit janë shkëmbyer mendime për bashkëpunimin në fushën e energjisë, tregtisë dhe shumë segmente të tjera me rëndësi për të dyja palët.
