Shkruan: Skënder MULLIQI
Kaluan tre vjet lufte Rusi-Ukrainë, dhe pamë së Putin nuk pat forcë për ta pushtuar këtë shtet ashtu siç e imagjinonte. Nëse do ta kishin atë forcë rusët, nuk do ta mundonin vetën për tre vjet më radhë. Shumë ushtarë rus mbetën në frontin e luftës, shumë tjerë dezertuan luftën, e konsiderohet së me miliona u larguan nga Rusia. Nëse politika ruse dhe strategjia ushtarake dështuan, se nuk kanë kapacitete dhe forcë për të mposhtur një popull prej 40 milion banorësh, për ti mposhtur ukrainasit në fushën e nderit, duket së po interesohet administrata e re amerikane, e cila ka vendosur ta ndihmon Moskën. Ardhjen e Trump në pushtet Rusia e sheh si mundësi që të dalë si faktor vendimmarrës në Evropë .Me duket se qëndrimi i Trump ndaj Ukrainës është jo korrekte dhe jo demokratike, duke i dalë zot një diktatori mizor, i cili nuk dinë së çka është kufiri i luftës dhe as që i intereson paqja. Kjo zaten është ves i gjithë diktatorëve. Ata njohin vetëm gjuhën e forcës siç është shembulli më i mirë i saj, Sllobodan Millosheviqi. Ai nuk u dorëzua dhe as që nuk arriti të bind kush nga shumë burrështetas që mos të sulmon ish republikat e Jugosllavisë, duke shkatërruar dhe vrarë gjithçka para veti. Mori vesh ky diktator famëkeq vetëm atëherë, kur NATO e qëlloj fuqishëm mbi kokë. Një tip millosheviqian dhe që po e kopjon mirë atë në luftën e Ukrainës është Vladimir Putin. Lufta në Ukrainë ndalët nga Trump, vetëm nëse plotësohen të gjitha kërkesat ruse për legjitimim të territoreve të pushtuara ukrainase. Madje, pak e besueshme është së Rusia, do të ndalët vetëm më kaq. Ajo do të pretendon pushtime të reja më kohën të shteteve fqinje, siç po tenton Vuqiq me pushtimet në veri të Kosovës, të Malit të Zi dhe BH-së. Do të jetë një njollë e përhershme në historinë amerikane dhe një turp i madh për Trump nëse mendon që të arrihet paqja më legjitimim të pushtimit të Ukrainës. Mënyrat në të cilat Trump e ka inkurajuar Putinin është praktikisht fitore e Rusisë, që nuk mund ta përfundonte në fushën e betejës duke e fituar në tavolinë. Dhe, nga shumë kush po konsiderohet kjo ndihmë e Trumpit karshi Putinit, se do ti kthehet një ditë bumerang Amerikës. Rusët si serbët janë popull të pa besë, as që ju intereson të mbajnë fjalën dhe të zbatojnë marrëveshjet. Megjithatë, nuk jam i sigurt se Bashkimi Evropian do të shikojë vetëm nga anash gjithë këto ndodhi para syve të saj .Të flasim pak për ngjarjet në Ballkan, që sigurisht kanë lidhje më zhvillimet tjera në Evropë. Putin dhe Vuqiqi po dëshirojnë që përmes Dodikut në BH dhe Millatoviqit dhe Mandiqt në Mal të Zi, të kontrollojnë politikat e gjithë serbëve, dhe kjo nuk është larg të vëretës. Dodik nuk mund të sillej kështu pa ndihmën e Moskës dhe të Beogradit. Këta janë instrument i politikave serbomëdha në Ballkan. Sistemi i shovenistëve serb është të mbajë serbët në Mal të Zi, Kosovë, Bosnjë dhe Hercegovinë dhe Republika Srpska në një flakë të vazhdueshme, në mënyrë që ata të besojnë se rrethanat botërore do të ndryshojnë, dhe serbet të përfundojmë atë që nuk arritëm të bënim në vitet 1990.Këto shpresa e kisha dëshiruar shumë që të dalë gabim, serbët janë duke i bazuar në Putinin, e tash se fundi edhe të presidenti amerikan, Donald Trump. Tensionet në Evropë dhe në Ballkan nuk zbuten dhe as nuk arrihet paqja më fashistet në pushtet, si Putin dhe Vuqiq. Me këta nuk ka mundësi heqja e kufijve midis popujve dhe as të hiqen problemet e luftës në Evropë dhe në Ballkan, ku këta të fundit më këto probleme po jetojnë për 30 e më shumë vjet.
