Presidenti amerikan Donald Trump i ka kërkuar guvernatorit të Kolorados, Jared Polis, që të heqë portretin e tij nga Kapitoli i shtetit. Ai ka shkruar për këtë në rrjetin social Truth Social.
Trump vuri në dukje se “askujt nuk i pëlqen një portret ose vizatim i keq i vetvetes”, por portreti i tij, të cilin guvernatori e vari në Kapitol, “është shtrembëruar qëllimisht në një nivel që nuk e kam parë kurrë më parë”.
“Artisti ka pikturuar Presidentin Obama dhe ai duket i mrekullueshëm, por portreti im është me të vërtetë më i keqi nga të gjithë. Ajo duhet të ketë humbur talentin e saj me moshën. Gjithsesi, unë do të preferoja të mos kisha fare portret sesa një të tillë, por shumë njerëz nga Kolorado më telefonuan dhe shkruanin për t’u ankuar. Ata në fakt janë të indinjuar nga kjo! – tha Trump.
Në postimin e tij, Trump e quajti guvernatorin e shtetit një “radikal të krahut të majtë” dhe tha se ai ishte “i dobët ndaj krimit”.
Sipas Newsweek, autori i portretit të Trump është artistja Sarah Boardman. Ajo pikturoi gjithashtu një portret të Presidentit të 44-të të Shteteve të Bashkuara, Barack Obama.
