Kryetari i Komunës së Vushtrrisë, Ferit Idrizi, tha se dy ditët e fundit kanë sjellur ndodhi tragjike dhe se nuk ka fjalë të mjaftueshme për të shprehur dhimbjen dhe shqetësimin për humbjen e jetëve të qytetarëve. Ai tha se kanë thirrur mbledhje urgjente të Këshillit Komunal për Siguri në Bashkësi.
“Ky ka qenë një moment shumë i vështirë për të gjithë ne dhe për komunitetin tonë. Për këtë arsye, direkt kam thirrur një mbledhje urgjente të Këshillit Komunal për Siguri në Bashkësi”, ka thënë Idrizi.
Ai u ka shprehur ngushëllime familjarëve të viktimave dhe qytetarëve të Vushtrrisë.
“Organet e sigurisë po i trajtojnë këto dy raste dhe ne presim që drejtësia ta thotë fjalën e fundit”, ka thënë tutje Idrizi.
