Kryeministri i Kosovës, Albin Kurti, vizitoi sot për ngushëllime familjen Xhemaili, e cila humbi më të dashurën e tyre, Fatime Xhemaili.
Sipas njoftimit nga ekzekutivi, në librin e ngushëllimeve, Kurti shkroi se nëna Fatime rriti fëmijë për liri të popullit, veprimtarë të shquar, kurse vetë ajo u rrit jetime, dhe si nënat shqiptare që kontribuan aq shumë në paqe e në luftë, për komb e për familje, ajo do të rrojë me trashëgiminë që e la edhe pse ndërroi jetë.
E ndjera, Fatime Xhemaili, ishte nëna e politikanëve Bajrush e Emrush Xhemaili.
