Katër raste të dhunës në familje janë raportuar në Policinë e Kosovës gjatë ditës së djeshme. Dy raste janë raportuar në Podujevë, një në Prishtinë, dhe një në Klinë. Lidhur e këto raste, dy persona janë dërguar në mbajtje.
Në Podujevë është raportuar se i dyshuari mashkull kosovar përmes rrjeteve sociale e kishte kanosur viktimën femër kosovare.
Lidhur me rastin është njoftuar prokurori kujdestar dhe rasti procedohet në procedurë të rregullt.
Po ashtu në Posujevë është arrestuar i dyshuari mashkull kosovar i cili pas një mosmarrëveshje dyshohet se i ka sulmuar fizikisht dy viktimat meshkuj kosovarë si dhe kishte demoluar disa orendi shtëpiake. “Pas intervistimit me vendim të prokurorit, i dyshuari është dërguar në mbajtje”, njofton policia.
Edhe në Prishtinë është raportuar se ndaj viktimës femër kosovare është kryer vepra e lartcekur nga dy të dyshuarit meshkuj kosovarë të cilët dyshohet se kanë ushtruar dhunë fizike dhe psikike ndaj saj.
Sipas policisë, palët janë intervistuar dhe me vendim të prokurorit, janë liruar në procedurë të rregullt.
Një rast tjetër ka ndodhur në Klinë, ku është raportuar se pas një mosmarrëveshje i dyshuari mashkull kosovar nën ndikim të alkoolit e kishte sulmuar viktimën femër kosovare.
I dyshuari, sipas policisë, është arrestuar dhe me vendim të prokurorit është dërguar në mbajtje.
