Policia e Kosovës njofton se në Podujevë, dje, ka realizuar një bastisje në shtëpinë e të dyshuarit dhe gjatë kontrollit në shtëpinë dhe pronë, janë gjetur dhe sekuestruar prova të rëndësishme lidhur me aktivitetin e dyshuar kriminal.
“Në bastisje janë sekuestruar: një (1) kilogram e 759.32 gram marihuanë (substancë narkotike e dyshuar), një (1) cigare me substancë narkotike të dyshuar, dy (2) matës-peshore, katër (4) paketime rizllash (OCB) …”, thuhet pos tjerash në raportin e PK-së/
Tutje thuhet se pas realizimit të bastisjes dhe sigurimit të provave, njësiti i antidrogës ka dalë në vendin e ngjarjes për të mbështetur hetimin. Po ashtu, është kontaktuar prokurori kujdestar i krimeve të rënda, i cili ka cilësuar veprën penale dhe ka lëshuar aktvendim për ndalimin e të dyshuarit për një periudhë prej 48 orësh.
