Megjithatë, ai nuk ka hyrë në detaje nëse do të prezantohen, duke shtuar se “opsione të tilla janë vazhdimisht në shqyrtim”.
Arminka Helić, anëtare e Dhomës së Lordëve britanikë, theksoi për Politico se sanksionet aktuale janë “të mira, por jo mjaftueshëm me ndikim” në kontekstin e veprimeve të presidentit të RS.
Lammy theksoi veçanërisht rëndësinë e rajonit të Ballkanit Perëndimor në kontekstin e dëshirës së presidentit rus Vladimir Putin për ta bërë këtë pjesë të Evropës një pikë të re fokale.
Kreu i diplomacisë britanike pohoi gjithashtu se cili është interesi i Putinit në këtë pjesë të Evropës.
“Interesi i Putinit është të destabilizojë Ballkanin Perëndimor dhe të zhvillojë një luftë të vazhdueshme hibride dhe kibernetike atje”, tha Lammy.
Një tjetër anëtar i qeverisë britanike i tha Politico se ekziston një “dritare e vogël veprimi” në këtë rajon, përpara se i gjithë fokusi të kthehet në Ukrainë.
“Nëse diçka nuk bëhet tani, Ballkani Perëndimor do të bëhet “shesh lojërash” e re e Putinit,” tha burimi, duke shtuar se vendet në rajon duhet “të ndalojnë së uluri në dy karrige” për të parandaluar një krizë tjetër në Evropë.
