Ministria e Kulturës, Rinisë dhe Sportit ka nënshkruar marrëveshjen e bashkëpunimit me Bankën Evropiane për Investimeve (EIB Global) dhe Ndërmarrjen Lokale Publike “Pallati i Rinisë”- si partnere e MKRS, për mbështetjen teknike në vlerë prej 500 mijë euro për hartim të projektit të revitalizimit të plotë të “Pallatit të Rinisë dhe Sporteve” në Prishtinë, përfshirë këtu edhe sallën e djegur.
Ministria e Kulturës, Rinisë dhe Sportit ka nënshkruar marrëveshjen e bashkëpunimit me Bankën Evropiane për Investimeve (EIB Global) dhe Ndërmarrjen Lokale Publike “Pallati i Rinisë”- si partnere e MKRS, për mbështetjen teknike në vlerë prej 500 mijë euro për hartim të projektit të revitalizimit të plotë të “Pallatit të Rinisë dhe Sporteve” në Prishtinë, përfshirë këtu edhe sallën e djegur.
Një gjë të tillë e ka bërë të ditur ministri në detyrë i Kulturës, Rinisë e Sportit, Hajrulla Çeku në një postim në Facebook, teksa ka thënë se “Pallati i Rinisë dhe Sporteve po bëhet”.
“Kjo marrëveshje hap rrugën drejt financimit të plotë për rinovimin, modernizimin dhe funksionalizim e këtij kompleksi ikonik– aset i mbrojtur i trashëgimisë kulturore, duke e kthyer atë në një qendër bashkëkohore dhe multifunksionale, të gatshme për të mirëpritur Lojërat Mesdhetare Prishtina 2030”, ka shkruar Çeku.
