Presidentja e vendit, Vjosa Osmani, e cila po merr pjesë në edicionin e katërt të Forumit Diplomatik të Antalisë, ka takuar ministrin e Jashtëm të Kenias, Musalia Mudavadi. Ky takim vjen pak kohë pasi Kenia njohu pavarësinë e Kosovës.
Osmani, përmes një postimi në Facebook, thotë në këtë takim u diskutua për fushat e bashkëpunimit me interes të përbashkët, të cilat do t’i konkretizojmë gjatë vizitës zyrtare në Kenia dhe përgjatë rrugës sonë të përbashkët si aleatë dhe partnerë.
“Pas vendimit historik për njohjen e Kosovës nga Kenia, në Turqi u takova me ministrin e Jashtëm të Kenias, njëherësh Kryesekretarin e Kabinetit Presidencial, z. Musalia Mudavadi, të cilin e falënderova edhe një herë për këtë hap të rëndësishëm, i cili kontribuon për paqen e stabilitetin afatgjatë në rajonin tonë”, ka shkruar Osmani në Facebook.
