Një aksident i rëndë me fatalitet ka ndodhur sot në mesditë në fshatin Jagodë të Klinës, ku treni në relacionin Prishtinë – Pejë e ka goditur një veturë.
Si pasojë e përplasjes, një person ka humbur jetën, ndërsa dy të tjerë kanë pësuar lëndime trupore.
Lajmin e ka konfirmuar zëdhënësi i Policisë për rajonin e Pejës, Fadil Gashi, i cili bëri të ditur se ngjarja ka ndodhur rreth orës 12:25.
“Sapo kemi marrë informacionin për aksidentin, në vendin e ngjarjes kanë dalë njësitet policore, ekipet emergjente dhe zjarrfikësit. Mjeku kujdestar ka konstatuar vdekjen e njërit nga personat në vendin e ngjarjes, ndërsa tre të lënduarit janë dërguar menjëherë në Emergjencën e Spitalit Rajonal në Pejë për trajtim mjekësor”, tha Gashi.
Rrethanat e këtij aksidenti janë ende nën hetim nga autoritetet përkatëse.
