Përfaqësuesja e Misionit të Shteteve të Bashkuara të Amerikës në Republikën e Kosovës, Anu Prattipati, është takuar me presidentin e Odës Ekonomike të Kosovës, Lulzim Rafuna, për të diskutuar mundësitë për forcimin e mëtejmë të bashkëpunimit ekonomik mes dy vendeve.
Kjo u bë e ditur nga Ambasada Amerikane në Kosovë, përmes një shkrimi në rrjetin social “X”.
Sipas një njoftimi nga Ambasada Amerikane në Prishtinë, Prattipati ka theksuar se produktet dhe partneritetet amerikane vazhdojnë të jenë zgjedhja e preferuar për bizneset në Kosovë.
“E ngarkuara me punë Prattipati pati një bisedë të mirë me presidentin e Odës Ekonomike të Kosovës, Lulzim Rafuna, për forcimin e marrëdhënieve ekonomike mes SHBA-së dhe Kosovës. Produktet dhe partneritetet amerikane mbeten zgjedhja e preferuar për bizneset kosovare”, thuhet në njoftim.
