Anëtarët e FAMILJES së një djali nëntë vjeçar, i cili vdiq nga një plagë aksidentale me armë zjarri në Australi, janë akuzuar për vdekjen e tij.
Shërbimet e urgjencës mbërritën në një fermë në Windelama, afër Goulburn në Uellsin e Ri Jugor (NSW), të dielën pas raportimeve për të shtënat. Djali ka marrë lëndime të rënda në qafë dhe ka ndërruar jetë në vendngjarje.
Mes të arrestuarve është edhe një djalë 14-vjeçar.
Ndërkohë, policia lokale arrestoi dy persona, mes tyre një 14-vjeçar, të cilët akuzohen për armëmbajtje pa leje.
Hetimet për ngjarjen janë duke vijuar, ndërsa nuk dihet ende se çfarë marrëdhënie të saktë kanë të arrestuarit me djalin e ndjerë.
“Ju rrallë dëgjoni një të shtënë këtu,” i tha ABC Ron Wenban, nga një fermë fqinje.
Sipas tij, familja është nga Sydney dhe fermën e kanë shfrytëzuar si shtëpi për fundjavë.
Adoleshenti mund të lirohet me kusht
Të dy personat e arrestuar do të dalin në gjykatë në maj, ndërsa i mituri do të dëgjohet në Gjykatën e Fëmijëve të NSW.
I rrituri u akuzua për akses të paautorizuar në armë dhe mosruajtje e sigurtë e armës së zjarrit, ndërsa adoleshenti u akuzua për posedim të paautorizuar.
Adoleshentit i është caktuar masa e paraburgimit me kusht.
