Shërbimi Shtetëror i Emergjencave të Ukrainës raportoi se tre persona, përfshirë një fëmijë, u vranë në një sulm nga dronët rusë në Dnieper.
Sulmi me dron është kryer mbrëmë dhe përveç raportimeve për viktima, raportohet se janë lënduar 28 persona.
Mes të plagosurve janë edhe katër fëmijë.
Fotot pas sulmit tregojnë dëme të mëdha në infrastrukturë.
Janë dëmtuar objekte banimi dhe studentore, objekte të institucioneve arsimore, si dhe makina.
Për shkak të sulmit shpërthyen disa zjarre në qytet dhe të gjitha janë shuar deri më tani.
