Shkruan: Prof. Dr. Muhamet KELMENDI
Në historinë parlamentare të Kosovës nuk ka ndodhur asnjëherë ky veprim i sëmurë parlamentar.
Në asnjë legjislacion.
Edhe vetë kur isha deputet i Kuvendit e kemi votuar Raportin e KVM dhe kemi shkuar në betim dhe në konstituivin e Kuvendit me zgjedhjen e udhëheqjes.
Kjo tash çka po ndodhë është turp për deputetët dhe partitë politike.
Nuk ndërtohet shteti me këtë mentalitet të sëmurë urrejtës.
Raporti i Komisionit për verifikimin e mandatin të deputetëve në Kuvend, i dalë nga KQZ, shtë detyrim i deputetëve për ta votuar, sepse vetëm pas kësaj ipet betimi dhe fillon puna parlamentare.
Veproni konform Kushtetutës o deputetë!!!.
Nuk thash se Qeveria ekzistuese mos të dorëhiqet.
Kjo nënkuptohet dhe është ligjore.
Neni 26, paragrafi 1 i Ligjit mbi Funksionimin e Qeverisë, e obligon dorëheqjen.
Po aty nuk thuhet se nuk shërbejnë ish-zyrtarët deri në ardhje të Qeverisë së re. Pra, kjo Qeveri mbetet në shërbim deri në ardhjen e Qeverisë së re. Kjo është kushtetuese ligjore. Nuk ka interpretim tjetër derisa nuk ka qartësi juridike tjetër.
Askund në asnjë shtet të demokracive liberale nuk shkohet pa dorëheqje. Po në çdo shtet mbetet Qeveria e njëjtë në detyrë deri në ardhjen e Qeverisë së re. Pse jo në Kosovë?
Në çdo legjislaturë të deri tashmë u bë kjo e tash jo. Pse???
