Një zonë në cepin juglindor të vendit që ruan në heshtje statusin e një rezervuari të ruajtur natyre të vendit ka qenë epiqendër e një aktiviteti tashmë tradicional i cili tubon figurat nga fusha e artit dhe gazetarisë nga e gjithë hapësira jonë. Edicioni 5-të i ndarjes së çmimeve “Aristidh Kola” (Nderi i Kombit), një event që vlerëson personalitete të shquara në fushat e artit, kulturës dhe gazetarisë, e ka shndërruar këtë qytet me mikpritje të ngrohtë pse jo në një stacion të turizmit kulturor. Ky aktivitet i organizuar nga Unioni i Gazetarëve Shqiptarë – Qarku Fier, Shoqata Kulturore “Ress Egnatja”, nën kujdesin e Bashkisë Divjakë dhe Drejtorisë së Kulturës, me mbështetjen e kryetarit të bashkisë Josif Gorrea, tashmë është shndërruar në një aktivitet tradicional që bart emrin e Aristidh Kola, me origjinë nga kjo zonë e këtij arvanitasi të shquar që i kushtoi tërë jetën studimeve të origjinës së shqiptarëve, me të cilën nderohen figura të shquara nga bota e artit dhe gazetarisë.
Në sallën e Shtëpisë së Kulturës së këtij qyteti, pas himnit kombëtarë u zhvillua një ceremoni solemne e ndarjes së mirënjohjeve për figura të shquara nga fusha mediatike, publicistike dhe artit. Nën moderimin e kryeredaktore së SCAN TV, Aida Lula, të këtij eventi, u vlerësuan nga juria e përbërë nga fusha gazetareske dhe historisë, ikona e gazetarisë sportive Dëfrim Methasani, shkrimtari dhe publicisti i njohur Ben Blushi, gazetari Jonuz Hallaçi, aktori i mirënjohur Bujar Asqeriu, gazetarja e Report TV Marsela Topi, si dhe Anastas Ristan Prifti (vlerësuar post mortem për kontributin e tij).
Methasani tha se është mrekulluar nga ky çmim. ‘Kjo sepse madhështia e këtij çmimi më shumë se sa njeriut që e mer, është madhështia e emrit që ka çmimi. Dhe jam partizan i asaj që njeriu cdo çmim që merr duhet ta ketë stacion lumturire të një dite dhe stacion përgjegjësie të një jetë”, tha ai duke shprehur emocione lumturie dhe falendërimi për këtë cmim.
Ndërkaq gazetari Hallaqi pasi shprehu falënderime për këtë çmim, shprehu dëshirën që ky aktivitet t’ia shtojë mozaikun Divjakës “vlerë të natyrës sonë që të jetë më e pëlqyer , më e kërkuar dhe më e begatë me vlerat që ka”.
Publicisti Ben Blushi duke u falënderuar për vlerësimin, bashkë me pllakën e çmimit, tha se kjo për të është një kujtim më shumë.
Mjediset e qytetit dhe salla e Shtëpisë së Kulturës do të përcillnin hareshëm sot emocionet festive të një dite të veçantë në qytetin e Divjakës. Unioni i Gazetarëve Shqiptarë Dega Fier me mbështetjen e Shoqatës kombëtare Kulturore Ress Egnatja, si dhe të medias online Neësalbania.al, për të pestën herë radhazi në këtë qytet mes gazetarëve të shumtë, një publiku të gjërë dhe drejtuesve të pushtetit vendor do të ndante Çmimet “Aristidh Kola” (Nderi i Kombit) në gazetari, edicioni i pestë. Ishte pikërisht Divjaka vendi i origjinës së hershme i këtij arvanitasi. Kjo ceremoni u përcollë me duartrokitje nga pjesëmarrësit që kishin mbushur sallën e teatrit. Figurat e vlerësuara të gazetarisë dhe artit shprehën emocione të veqanta për këtë çmim që bart emrin e Aristidh Kola. Në këtë aktvitet që u shoqërua edhe nga një dokumentar të jetës dhe veprës së Aristidh Kolës, të pranishmit u njohën me projektin e UGSH dega Fier për ti propozuar Ministrisë së Arsimit përfshirjen në tekstet shkollore të pjesëve nga krijimtaria e këtij studiuesit si dhe për emërtimin e një institucioni në Bashkinë Divjakë. Pas këtij eventi gazetarë vizituan edhe mjediset e mrekullueshme të lagunës, që vazhdon të miradminstrohet nga bashkia e Divjakës, ku kreu i saj Gorrea shpalosi disa projekte për këtë zonë të natyrës së virgjër e cila vizitohet nga mijëra të huaj./I.KRASNIQI
