Riorganizimi i Departamentit të Shtetit, veçanërisht në Afrikë, do të çonte në një reduktim të ndjeshëm të ndikimit amerikan.
Sipas informacioneve nga propozimi, shumë zyra rajonale do të mbyllen dhe do të krijohet një e re për të mbuluar pjesët kryesore të botës për këtë administratë – Euroazinë, Amerikën Latine, Lindjen e Mesme dhe Indo-Paqësorin.
Sipas fjalëve të një diplomati, plani është “çmenduri absolute”, ndërsa një tjetër pranon se ndoshta duhet një riorganizim, por jo në këtë mënyrë.
“Mund t’i jepni një numri të pafund majmunësh një numër të pafund makinash shkrimi dhe ata do të shkruanin një plan më të mirë se ky,” tha ai për Politico.
Pavarësisht përgënjeshtrimit të Rubios, e më pas edhe zëdhënëses së Departamentit të Shtetit, frika ende ekziston në trupin diplomatik të SHBA-së.
Sa i përket Afrikës, ky propozim jozyrtar, i ndarë mes diplomatëve në Departamentin e Shtetit dhe në mbarë botën, do të shihte Shtëpinë e Bardhë të merrte drejtpërdrejt kontrollin e shumicës së punëve në kontinent dhe konsullatat dhe ambasadat “jo thelbësore” do të mbylleshin deri në tetor të këtij viti.
Vlen të theksohet se ky është një dokument që “nuk duket si një urdhër ekzekutiv standard nga Donald Trump”, siç thekson Politico, dhe është një propozim jozyrtar që tregon indikacionet e administratës Trump për të ardhmen e Departamentit të Shtetit.
Përveç mbylljes së konsullatave dhe zyrave rajonale, u propozua shkurtimi i buxhetit të Departamentit të Shtetit përgjysmë në 28 miliardë dollarë në vit.
Kujtojmë se sipas këtij dokumenti, ndër të tjera duhet të mbyllen konsullatat amerikane në Banja Lukë dhe Mostar.
