Zëdhënësja e Ministrisë së Punëve të Jashtme ruse, Maria Zakharova, tha sot, pas raportimit për çlirimin e rajonit të Kurskut, se Rusia nuk do t’i harrojë “miqtë e saj nga Koreja e Veriut”.
Shefi i Shtabit të Përgjithshëm të Forcave të Armatosura të Rusisë Valery Gerasimov “raportoi se luftëtarët e Koresë së Veriut, duke vepruar krah për krah me ushtrinë ruse në rajonin e Kurskut, treguan guxim dhe heroizëm. Ne nuk do t’i harrojmë kurrë miqtë tanë”, tha Zakharova në Telegram.
Gerasimov i raportoi më parë presidentit rus Vladimir Putin për përfundimin e operacionit për çlirimin e rajonit të Kurskut, të cilin forcat ukrainase e pushtuan gushtin e kaluar,
Më 6 gusht 2024, forcat ukrainase pushtuan rajonin e Kurskut, por përparimi i tyre u ndal shpejt.
Në fillim të marsit të këtij viti, forcat ruse nisën një ofensivë të madhe, gjatë së cilës brenda pak ditësh u çliruan rreth 1100 kilometra katrorë territor.
Që nga fillimi i konfliktit, më shumë se 60 vendbanime janë kthyer në kontrollin rus, duke përfshirë qytetin e Sujës, më shumë se gjysma e të cilit janë çliruar në dy muajt e fundit.
Sipas Moskës, forcat e armatosura të Ukrainës humbën të paktën 75,000 ushtarë dhe më shumë se 400 tanke gjatë luftimeve në zonën kufitare.
