Presidenti i SHBA Donald Trump tha se ai mendon se homologu i tij ukrainas Volodymyr Zelensky është gati t’i dorëzojë Krimenë Rusisë si pjesë e një marrëveshjeje paqeje, pavarësisht refuzimit të mëparshëm nga Kievi të propozimit.
Siç raporton AP, Trump gjithashtu i bëri thirrje presidentit rus Vladimir Putin që të “ndalojë të shtënat, të ulet dhe të nënshkruajë një marrëveshje” për t’i dhënë fund konfliktit.
Duke folur për takimin me Zelensky në Vatikan në funeralin e Papa Françeskut, Trump tha se ishte “i befasuar dhe shumë i zhgënjyer” që Rusia bombardoi Ukrainën pas bisedimeve midis Putinit dhe të dërguarit të Trumpit për paqe, Steve Witkoff.
