Presidenti i Serbisë, Aleksandar Vuçiç, u sëmur papritur gjatë qëndrimit të tij në Shtetet e Bashkuara të Amerikës, prandaj kërkoi ndihmë mjekësore.
Siç mëson jozyrtarisht “Blic”, pas kontrollit , Vuçiç vendosi ta ndërpresë vizitën e tij dhe të kthehet në Serbi. E gjitha ndodhi në orët e para të pasdites.
Kabineti i Presidentit të Serbisë njoftoi se publiku do të informohet më hollësisht në ditët në vijim.
Vuçiq ishte në shoqërinë e ministrit të Financave Siniša Malog dhe këshilltares së tij për media Suzana Vasiljević në kohën kur u sëmur. Treshja po përgatitej për takimet e radhës pas takimit me kongresmenen Claudia Tenney, Rod Blagojević dhe sipërmarrësit serbë nga Amerika.
Ju kujtojmë se Vuçiç udhëtoi për në Amerikë më 30 prill, dhe ishte planifikuar të takohej me zyrtarë të lartë të Partisë Republikane, si dhe me Presidentin e SHBA-së Donald Trump. Në fillim të vizitës, ai u takua edhe me ish-kryebashkiakun e Nju Jorkut dhe një bashkëpunëtor të ngushtë të Donald Trump, Rudy Giuliani.
I dërguari i Presidentit të SHBA-së për misione speciale, Richard Grenell, njoftoi në rrjetin social “X” pasi u njoftua se Vuçiç po anulonte vizitën për shkak të problemeve shëndetësore.
