Kryeministri i Pakistanit është zotuar për hakmarrje pas një sulmi vdekjeprurës me raketa nga India, duke thënë se India “tani do të duhet të paguajë çmimin” për “gabimin e saj të hapur”.
Në një fjalim televiziv në televizionin shtetëror PTV dje, Shehbaz Sharif komentoi sulmin ndaj provincës Punjab të Pakistanit dhe pjesëve të Kashmirit të administruar nga Pakistani. “Për gabimin e dukshëm që bëri India, tani do të duhet të paguajë çmimin. Ata mund të kenë menduar se ne do të tërhiqeshim, por harruan se ky është një komb me njerëz të guximshëm”, tha ai.
India pretendon se ka goditur “infrastrukturën terroriste” në nëntë lokacione në Pakistan gjatë sulmit. Ministri indian i Mbrojtjes theksoi se nuk u vranë civilë.
India lëshoi një deklaratë duke thënë se gjatë natës neutralizoi përpjekjet e Pakistanit për të “sulmuar një numër objektivash ushtarake” në Indinë veriore dhe perëndimore duke përdorur “dronë dhe raketa”.
India thotë se ka shënjestruar radarë dhe sisteme të mbrojtjes ajrore në “një numër lokacionesh” në Pakistan. “Ne e dimë me siguri se sistemi i mbrojtjes ajrore në Lahore është neutralizuar”, thuhet në deklaratë.
“Ne kemi shkatërruar instalimet ushtarake indiane pranë kufirit”, tha Ministri i Informacionit i Pakistanit, Attuallah Tarar.
Tarar pretendon se ata vranë “40-50 ushtarë indianë” përgjatë kufirit.
Reporteri i Sky News në Indi, Neville Lazarus, konfirmoi se ka pasur “granata shumë të rënda” përgjatë Vijës së Kontrollit gjatë dy ditëve të fundit.
