Pas dështimit të 14 të seancës konstituive, kryetarja e Alternativës, që është në koalicion me Vetëvendosjen, Mimoza Kusari-Lila, kritikoi deputetët e partive tjera për mos pjesëmarrje në votim, por po merren me tema tjera që nuk kanë efekt.
Ajo ka ftuar që të marrin pjesë deputetët, pasi që është shumë e qartë se edhe në aktgjykimin e kushtetueses thuhet aty. Kusari-Lila theksoi se konstituimi i Kuvendit të Kosovës është përgjegjësi e të gjithëve.
Sipas saj, mosvotim në seanca konstituive po bëjnë shkelje Kushtetuese.
“Mbledhja e nënshkrimeve me ngrit çështje me ZRRE s’ka kuptim. Është e qartë kjo punë dhe e paraparë me rregullore. Po ZRRE raporton në Komisionin e Kuvendit. Por ne nuk kemi as kryetar e as nënkryetarë të Kuvendit e lëre më komisione. Të kryhet kjo fillimisht nga ata që po mbledhin nënshkrime. Kemi 48 orë tjera. Të hyjmë në proces që e zhbllokon këtë bllokadë të pakuptimtë e paradoksale”, ka thënë Kusari-Lila.
