Presidentja Vjosa Osmani ka takuar Përfaqësuesen e Lartë të BE-së, Kaja Kallas, teksa ka thënë se ka kërkuar integrim evropian të Kosovës.
“Kosova është e gatshme për hapin e radhës në rrugën e saj drejt Bashkimit Evropian. Është koha që BE t’i përgjigjet këtij momenti me guxim, qartësi dhe vendosmëri, tipare këto që e karakterizojnë lidershipin e Përfaqësueses së Lartë Kallas”, ka shkruar e para e shtetit në Facebook.
Osmani ka njoftuar se është takuar me Kallas në Tiranë, meqenëse gjatë vizitës së përfaqësueses në javën e ardhshme në Kosovë, presidentja do të jetë në një vizitë shtetërore të paracaktuar jashtë vendit.
