Përfaqësuesja e lartë e Bashkimit Evropian, Kaja Kallas, ka qëndruar në veri të Republikës së Kosovës. Ajo ka theksuar se është i rëndësishëm roli i ndërkombëtarëve në veri për ta parë situatën ashtu siç është në të vërtetë.
Kallas ka theksuar se ka narrativa të ndryshme për situatën, ‘njëra palë thonë një gjë e tjetra diçka tjetër, por mendoj se forcat ndërkombëtare që janë këtu e japin një pasqyrë mjaft të saktë’.
“Prandaj është e rëndësishme që të flas me njerëzit në terren ashtu që të shohim se çfarë mund të bëjmë për ta bërë të ardhmen të sigurt për të gjithë në Kosovë”, ka thënë ajo në Mitrovicën e Veriut
