Ish-nënpresidenti i SHBA-së, Dan Quayle, i cili shërbeu në administratën e George HW Bush nga viti 1989 deri në vitin 1993, foli në një intervistë me CNBC rreth situatës aktuale në marrëdhëniet SHBA-Rusi dhe luftës në Ukrainë.
“Nuk po i afrohemi fundit. Putini nuk ka dëshirë ta shohë këtë fund derisa ta shpërbëjë vërtet Ukrainën”, tha Quayle, i cili tani është kryetar i fondit global të investimeve Cerberus Global Investments.
Ai thotë se mendimi i Putinit është i qartë për të, por strategjia e Trump është një mister për të.
” Nuk e kuptoj dashurinë e Trump për Putinin dhe pse ai nuk ka kërkuar asgjë këtu. E tëra çfarë dëshiron të bëjë si president janë marrëveshjet… Pra, nëse je biznesmen, çfarë të duhet? Leva. Çfarë lloj pushteti po përpiqet të përdorë ai kundër Putinit? Zero. Absolutisht zero”, thotë Qualey.
Quayle iu referua gjithashtu bisedave të Trump me Putinin. Ai shton se mungesa e presionit dëmton gjithashtu aleancën politike të SHBA-së me Bashkimin Evropian dhe se, nëse Rusia nuk pranon një armëpushim, do të pasojnë sanksione dytësore, raporton Jutarnji list .
“Putini thotë le të flasim dhe Trumpi është dakord, ndërsa udhëheqësve evropianë sapo u është rrëshqitur toka nga këmbët”, tha Qualey, duke shtuar: “Nuk mendoj se kjo do të përfundojë së shpejti. Putini thotë se nuk do të bjerë dakord për një armëpushim, ai thjesht do të flasë, Trumpi thotë ‘në rregull’. Gjithmonë bëhet fjalë për ‘shpërbërjen e Ukrainës’.”
Ukraina, pastaj Polonia, pastaj Ballkani
Për t’i dhënë fund luftës, SHBA-të, sipas mendimit të Qualey-t, duhet t’i japin Ukrainës shumë para, madje edhe më shumë armë, dhe të vendosin sanksione dytësore ndaj Rusisë.
“Nëse i bëjmë këto tre gjëra, Putini do të jetë ulur në tryezën e negociatave nesër”, thotë Qualey, por shton se nuk beson se kjo do të ndodhë.
” Vërtet doni që ne të flasim për atë se kush rrezikon një luftë botërore? Lëreni Rusinë të gëlltisë Ukrainën, pastaj Poloninë, pastaj Ballkanin, dhe pastaj do të flisni për Luftën e Tretë Botërore”, paralajmëroi ish-nënpresidenti i SHBA-së.
