Përmes protestës së bllokimit të rrugëve në hyrje të Prishtinës, bizneset po vazhdojnë të kundërshtojnë kalimin në tregun e lirë energjetik.
Bizneset thanë se kanë liruar për qarkullim një pjesë të rrugës pasi, siç thanë ata, u është kërkuar për shkak të automjeteve që do të kalojnë në kuadër të stërvitjes ushtarake “Defender 2025”.
Megjithatë bizneset kanë liruar për qarkullim një pjesë të rrugës pasi siç thanë u është kërkuar për shkak të automjeteve që do të kalojnë në kuadër të stërvitjes ushtarake “Defender 2025” që po mbahet në Gjakovë.
Policia liron rrugët për qarkullim në hyrjet kryesore të Prishtinës
(E plotësuar, ora 10:45) Pas i intervenimit nga Policia e Kosovës, nis lirimi i rrugës për qarkullim në hyrje të Prishtinës nga Veterniku, të cilat nga ora 10: 00 ishin bllokuar nga protesta.
Përmes bllokimit të rrugëve bizneset po kundërshtojnë kalimin në tregun e lirë energjetik.
Rafuna: Kalimi në tregun e lirë energjetik do t’i dëmtojë edhe bizneset edhe konsumatorë
Punëtorë të bizneseve kanë dalur në hyrje të Prishtinës për të protestuar kundër vendimit të ZRRE-së për kalimin në tregun e lirë energjetik.
Kryetari i Odës Ekonomike të Kosovës, Lulzim Rafuna tha për RTK-në se kalimi në tregun e lirë energjetik do t’i dëmtojë edhe bizneset edhe konsumatorët.
Ai tha se do të vazhdojnë me veprime të tilla për të kundërshtuar këtë vendim.
Rafuna bashkë me pronar të kompanive te mëdha në vend thanë se vendimi për kalimin në tregun e lirë energjetik duhet të shtyhet derisa bizneset dhe operatorët e licencuar të energjisë të përgatiten.
Kjo pasi sipas tyre, momentalisht vetëm KESCO u ka ofruar furnizim me energji elektrike nga qershori, e sipas tyre ofertat e kësaj kompanie shkojnë deri në rreth 300% më shtrenjtë.
Ndërkaq, në Kosovë janë gjithsejtë 19 operatorë energjetik të licencuar për furnizim me energji.
Përkundër që bllokimi i rrugëve është paralajmëruar për dy orë, një pjesë e hyrjes kryesore nga Veterniku në Prishtinë u lirua para orës 11:00 për qarkullim të veturave.
Bllokohen hyrjet kryesore për në Prishtinë
Nga ora 10:00 hyrjet kryesore për në Prishtinë janë bllokuar për qarkullim nga maunat e bizneseve.
Qarkullimi do të jetë i ndaluar për çdo automjet deri në orën 12:00.
Përmes bllokimit të rrugëve bizneset po kundërshtojnë kalimin në tregun e lirë energjetik.
E një veprim i tillë ka përplasur punëtorë të bizneseve me zyrtare policorë e po ashtu edhe qytetarë të cilët kanë tentuar të frekuentojnë këto rrugë.
Kjo protestë që mbahet nën organizimin e Odës Ekonomike, ka qëllim për të bllokuar hyrjet kryesore të Prishtinës, nga ora 10:00 deri në 12:00, në shenjë kundërshtimi ndaj liberalizimit të tregut të energjisë elektrike që pritet të hyjë në fuqi më 1 qershor,
