Kompanitë serbe të mbrojtjes, në kundërshtim me “neutralitetin” e deklaruar nga Beogradi zyrtar, i dorëzojnë municione Kievit, njoftoi sot shërbimi i inteligjencës së jashtme ruse, raporton Sputnik International.
“Ndër këto të fundit, vendet e NATO-s përmenden më shpesh, kryesisht Republika Çeke, Polonia dhe Bullgaria. Kohët e fundit, për këtë qëllim janë përdorur edhe opsione ekzotike që përfshijnë vendet afrikane”, thuhet në raport.
Kompanitë më të mëdha serbe, përfshirë Jugoimport SDPR, Zenitprom, Krušik, Sofag, Reyer DTI, Prvi Partizan, marrin pjesë në dërgesat ushtarake në Kiev, njoftoi shërbimi i inteligjencës së jashtme.
Ju kujtojmë se Radio Evropa e Lirë shkroi vitin e kaluar se rrugët me të cilat armët dhe municionet nga Serbia përfundojnë në duart e ushtrisë ukrainase janë të panjohura edhe për Institutin Ndërkombëtar të Kërkimeve për Paqen (SIPRI) me seli në Stokholm.
“SIPRI kryen kërkime bazuar në burime të disponueshme publikisht, dhe mënyrat se si armët (konkretisht municionet) nga Serbia mund të përfundojnë në Ukrainë janë jashtëzakonisht jo transparente”, tha për RSE-në Katarina Đokić, studiuese e SIPRI-t.
Çështja u rihap pasi Ndihmës Sekretari i Shtetit i SHBA-së për Çështjet Evropiane dhe Euroaziatike, James O’Brien, deklaroi më 8 korrik se Serbia “duke i vënë në dispozicion armët e saj, po e ndihmon Ukrainën të mbrojë një parim thelbësor të së drejtës ndërkombëtare”.
Presidenti i Serbisë më pas konfirmoi se informacioni në lidhje me vlerën e municioneve ishte kryesisht i saktë, duke e paraqitur shitjen si një mundësi biznesi, raportoi kjo e përditshme britanike.
“Kjo është pjesë e ringjalljes sonë ekonomike dhe e rëndësishme për ne. Po, ne eksportojmë municionet tona.”
