Një motoçiklist ka humbur jetën në një aksident komunikacioni në rrugën Prishtinë-Ferizaj, në të cilin janë përfshirë dy automjete dhe një motoçikletë, ka bërë të ditur policia.
Policia ka njoftuar se sot rreth orës 17:30 në rrugën Ferizaj-Prishtinë, ka ndodhur një aksident trafiku në mes të dy automjeteve dhe një motoçiklete.
Policia ka theksuar se si pasojë e aksidentit në vendin e ngjarjes ka humbur jetën ngasësi i motoçikletës.
“Vdekjen e viktimës mashkull U.B 46 vjeç, e ka konstatuar ekipi mjekësor në vendngjarje”, thuhet në njoftimin e policisë.
Policia thekson se me rastin po merret njësiti i trafikut rajonal.
