Shkruan: Prof. Dr. Muhamet KELMENDI
Çështjet e arrestimeve të shqiptarëve në Serbi janë bërë dukuri e përditshme. Kjo, për faktin se shteti serb e njeh Kosovën si territor serb. Së këndejmi po vepron edhe ligji serb dhe po arrestohen pjesëtar të policisë, të pushtetit dhe të ish-ushtarëve të UÇK-së.
Arrestimet e tilla janë de-jure dhe de-facto të padrejta dhe nuk shkojnë në drejtim të ndërtimit të raporteve të e shendosha ndërshtetërore.
Kështu është krijuar mendimi se vetëm lufta e ndanë Kosovën nga Serbia.
Një luftë e tillë veç ishte.
Tash po veprohet me mjete kriminale për të provokuar Kosovën.
Brenda vendit është duke vepruar me minoritetin serbë dhe me veglat e ndryshme pro-serbe.
Veprimet janë të rënda dhe shumë të rrezikshme.
Kolona e pestë ilegale serbe është rritur në Kosovë. Serbia po pretë kohën. Deri atëherë janë futur në veprim elementet spiune serbe.
Në këtë kontest shkojnë edhe arrestimet e pjesëtarëve të ndryshëm nga Kosova në Serbi.
E gjitha kjo si formë e provokimit për të krijuar gjendje të ndjerë dhe shpërthyese.
Në ligjin serb është Kosova Serbi.
Këtu e ka bazën e vetë edhe lëvizjet ushtarake serbe në brezin kufitar me Kosovën dhe masat tjera provokative serbomëdha.
Serbia po tregon se done:
1.Ndarjen e copëtimin e Kosovës ose
2.Ripushtimin e tërë Republikës.
Shteti serb nuk e lëshon aq thjeshtë Kosovën.
Për Serbinë del Kosova në vend serb.
Këtu e kanë mbështetjen veprimet kriminale dhe shoveno-raciste serbe.
Prandaj Kosova kërkohet të ndërtojë një unitet politik dhe së bashku, pavarësisht subjektit politik, të punojnë në ndërtimin e shtetit ligjor dhe të strukturës mbrojtëse të vendit.
Pa një ushtri mirë të organizuar dhe të armatosur nuk sigurohet sovraniteti dhe integriteti i shtetit të Kosovës.
