Edhe pse ka hotele të shumta luksoze, qëndrimi brenda natës në to nuk është aq i kushtueshëm sa në Evropë dhe në pjesën tjetër të botës perëndimore
Nha Trang është një qytet turistik i njohur në Vietnamin jugor në provincën Khanh Hoa. Ndodhet përgjatë bregdetit të Detit të Kinës Jugore dhe krenohet me plazhe të gjata me rërë. Është një vend ideal për not, rreze dielli, zhytje dhe sporte ujore si parashutizmi. Ia vlen gjithashtu të eksplorohet arkitektura dhe historia e tij magjike, tempujt e lashtë hindu dhe budistë, jeta e pasur e natës dhe gastronomia lokale. Kuzhina lokale vietnameze veçanërisht gatimet me peshk dhe ushqim deti,duhet të provohen këtu .
Edhe pse Nha Trang ka një numër hotelesh luksoze, qëndrimi brenda natës nuk është aq i kushtueshëm sa në Evropë dhe në pjesën tjetër të botës perëndimore. Për shembull, akomodimi për dy persona në emerald Bay Hotel &Spa ne Nha Trang mund të gjendet për 1,220,000 dong vietnamez, ose 45 euro për natë.
Ky hotel me pesë yje – ndonjëherë i listuar si hotel 4.5 yje – u ofron mysafirëve të tij qasje në një plazh privat me rërë, pishina hoteli, restorante të nivelit të lartë, një zonë spa me palestër dhe lehtësira të tjera të ngjashme.
Në hotelin me pese yje Vinpearl Beachfront në Nha Trang, çmimet për një dhomë dyshe janë pak më të shtrenjta, 64 euro për natë për dy persona.
