Një person është arrestuar në Mitrovicë të Veriut pasi dyshohet se për shkaqe të panjohura sulmoi një tjetër. Në raportin 24 orësh të Policisë, thuhet se rasti ka ndodhur të dielën rreth orës 22:59 dhe u iniciua si “Lëndim i lehtë trupor”.
“Është arrestuar i dyshuari mashkull kosovar i cili dyshohet se për shkaqe ende të panjohura e kishte sulmuar viktimën mashkull kosovar i cili si pasojë ka pësuar lëndime dhe ka pranuar tretman mjekësor. Njësitë relevante policore kanë dalë në vendin e ngjarjes dhe konfiskuar një thikë e cila dyshohet se ishte përdorë në rast. I dyshuari me vendim të prokurorit është dërguar në mbajtje, rasti në procedure hetimore”, thuhet në njoftim.
