Në një deklaratë të publikuar nga agjencia iraniane IRNA, komuniteti hebraik i shprehu ngushëllimet udhëheqjes iraniane për vdekjen e gjeneralit dhe shkencëtarit.
“Brutaliteti i sionistëve, i cili është larg çdo morali njerëzor dhe që shkaktoi martirizimin e shumë bashkatdhetarëve tanë të dashur, përfshirë fëmijë të pafajshëm, na ka lënduar zemrat e të gjithëve”, deklaruan ata.
Ata gjithashtu theksojnë se janë të bindur se Irani do t’u përgjigjet në mënyrë adekuate sulmeve izraelite.
“Jemi të bindur se Republika Islamike e Iranit, krenare dhe e nderuar, do t’i përgjigjet regjimit sionist dhe do ta bëjë atë të pendohet për veprimet e tij të turpshme”, thanë ata.
Në rajonin e Isfahanit të Iranit jetojnë rreth 1,200 hebrenj dhe e gjithë popullsia e këtij vendi vlerësohet në rreth 3,000 hebrenj.
