Bashkimi Evropian thekson se është duke e ndjekur nga afër rastin e arrestimit dhe depërtimit të shtetasit serb të Kosovës. BE-ka thekson se i kërkuar autoriteteve të Kosovës të sigurojnë një proces të rregullt ligjor.
Bashkimi Evropian vlerëson se rastet e revokimit të shtetësisë apo deportimit të shtetasve të Kosovës duhet të jenë, siç thuhet, “masa e fundit”, pas një procesi të rregullt ligjor.
Kjo është bërë e ditur nga zyrtarët në Bruksel, në lidhje me dëbimin e një shtetasi të Kosovës me etni serbe, të cilit iu hoq shtetësia kosovare. Sipas autoriteteve zyrtare në Prishtinë, ai ishte rekrutuar nga shërbimet e inteligjencës serbe.
Në një përgjigje nga selia e BE-së, u konfirmua se institucionet evropiane po i ndjekin nga afër rastet e arrestimeve dhe deportimeve.
“Ne u kemi kërkuar autoriteteve të Kosovës të sigurojnë një proces të rregullt ligjor, të përmbahen ndaj standardeve të të drejtave themelore dhe të garantojnë mjete juridike për personat e prekur”, thuhet në përgjigjen me shkrim dërguar mediave.
Zyrtarët evropianë insistojnë se duhet të respektohet në plotni Konventa Evropiane për të Drejtat e Njeriut, përfshirë këtu edhe vlerësimin individual, të bazuar në prova, që balancon sigurinë kombëtare me jetën private dhe familjare të personit në fjalë.
